Noticias AR-VI

Toda a actualidade da nosa asociación!

Tuypan quédase a un chanzo dunha remonta heroica

Instagram
Facebook
Facebook
Twitter
Visit Us
Encontro que viña a deparar as posicións na parte alta da táboa e que, no caso de puntuar Sapphire, deixaba fóra do Mundialiño Ar-Vi ao Real Chamartín. O Tuypan Team presentábase con cinco xogadores, o que facía prever unha noite prácida para os roxos. Non foi así.
O partido tivo dúas metades ben diferenciadas e nas que os equipos se alternaron o control do xogo. No primeiro acto, os goles puxéronos os rapaces de FC Sapphire, aínda que os de negro dispuxeron de moitas boas opcións e, incluso abriron a lata. Sen embargo, un atinado Pablo Calderón ‘Yuki’, con Adri Castro como escudero facían que a vantaxe ao intermedio fora de 2-5.
No segundo tempo, Tuypan Team encontraba a chave, Travieso pasaba á actividade como peche e María Trinidad collía as luvas. Todo melloraba. Travieso cunha boa actuación ao quite e Trini amosando moita seguridade baixo paos. Así foi como, a pesares de poñerse cun gol máis de diferenza, o FC Sapphire o pasaría realmente mal. Antonio e Adri Castro, ademais dun imprevisíbel David Sánchez ‘Fala’ na porta, sacaron os balóns das proximidades da súa área. Sen embargo, de tanto bater, ao final os de negro ían conseguindo o obxectivo e, un tras outro chegaron os goles. Ao final a efectividade de Sapphire foi suficiente para gañar o partido por un 5-6 que podería ter mudado se o encontro durase un par de minutos máis. Un resultado que significa o asalto á cabeza da clasificación para os de vermello e o adeus do Real Chamartín á competición.

Goles: 1-0 Pedro Comesaña, 1-1 Adri Castro, 1-2 Pablo Calderón, 1-3 Pablo Calderón, 1-4 Antonio Domínguez, 2-4 Pedro Comesaña, 2-5 Alberto Bastos, 2-6 Adri Castro, 3-6 Cristian Pregal, 4-6 Pedro Comesaña e 5-6 Pedro Comesaña.

Árbitro: González ‘Manteca’. Boa actuación até a chegada dun error de apreciación na cesión. Nota con error técnico: 7,9. Nota sen error técnico: 8,5.

MVP: Pablo Calderón ‘Yuki’.

Próximo encontro: 18/02/2020 ás 22:00 no pavillón de Candeán, Gráficas Ibernón FS-Tuypan Team, dirixido por Táboas Lagoa.

Instagram
Facebook
Facebook
Twitter
Visit Us

Real Chamartín virtualmente fora do Mundialiño Ar-Vi

Instagram
Facebook
Facebook
Twitter
Visit Us
Partido que marcaba o futuro de Real Chamartín na competición e que medía as aspiracións de Un CCARro de Balones. Por unha parte, os brancos debían puntuar para seguir con opcións de loitar polo pase as semifinais e unha vitoria dos celestes alzábaos até a primeira posición da táboa. Con estas referencias o colexiado, Covelo Rodríguez, asubiaba o comezo do encontro.
Desde o primeiro momento, o partido antoxaba un dominio case total do balón por parte de Un CCARro de Balones, sen embargo, tan grande posesión semellaba estéril con pouca finalización. A batuta do equipo asumíaa David Pallas, co máximo goleador do equipo, Juan Davila, na porta. Cun Real Chamartín agardando a súa opción e entregando o balón o seu pívot (ás veces Amado Alonso e un irascible Alberto Lorenzo) para que buscase o gol, chegaba en cambio o primeiro do encontro para os de azul, por medio de David Pallas.
Dende entón, os equipos mudaron os papeis e foron os ‘merengues’ quenes comezaron a tentar aproximarse á porteríoa rival de forma desesperada, conscientes de que o resultado supuña un duro golpe para o equipo. Sen embargo, nunha boa acción individual, Pallas volvía a mandar o balón ás redes, mais Adrián Gesteira nun xesto antideportivo paraba o balón coas mans na liña, co seu conseguinte cartón amarelo e penal. Juan Davila, nun xesto de xenerosidade por parte de Pallas, foi o encargado de lanzar e anotar o segundo do equipo. Con este resultado se chegaba ao intermedio.
Na segunda metade o control do balón foi dos celestes, que con intelixencia deixaron correr o tempo gardando moi ben a posesión do balón. Tivo opcións de achegarse no marcador Chamartín con varias opcións de gol nos pés de Amado, aínda que Juan Davila e os paos aliáronse para que ningún esférico entrase na porta. Froito da impotencia, Alberto Lorenzo recibiu un cartón amarelo ao soltar unha patada a Dani Manteca sen opcións de xogar o balón, nunha acción moi similar á que sufrira anos antes na súa pel noutra entrada grotesca de Antonio Domínguez. Neste caso a acción valeu para alonxar aínda mais ao seu equipo das semifinais, pois agora necesitan gañar o último encontro, que Sapphire tamén perda o outro partido que lle queda e que, ademais, realice accións antideportivas para caer na clasificación de deportividade que desempata as igualdades nos puntos.

Goles: 0-1 David Pallas e 0-2 Juan Davila.

Árbitro: Covelo Rodríguez. Calmou a algún xogador no momento xuto. 8,5 normal.

MVP: Juan Davila.

Próximo encontro: 28/01/2020 ás 22:00 no pavillón de Candeán, Gráficas Ibernón FS-Tuypan Team, dirixido por Táboas Lagoa.

Instagram
Facebook
Facebook
Twitter
Visit Us