Noticias AR-VI

Toda a actualidade da nosa asociación!

As pantasmas aparécenselle a Un CCARro

Instagram
Facebook
Facebook
Twitter
Visit Us
Follow Me
Chegábase con ansia a un encontro que fora aprazado fai xa un mes por causa das choivas. Desta volta puidose xogar o partido, aínda que coa baixa de Carlos González ‘Charly’, o máximo realizador do equipo verde.
Dende o primeiro compás do encontro viuse a tónica do mesmo, un Gráficas Ibernón ben organizado e agardando as oportunidades ao contragolpe e Un CCARro de Balones que tivo a iniciativa do partido. Sen embargo, a primeira parte dos azuis, con moita falta de intensidade e algún erro, supuxo varios goles dos de Domingo Prieto, o terceiro deles nunha boa combinación que culminaba David Veloso. Por parte dos celestes, Juan Davila tiraba do carro a base de goles e David Pallas era quen dirixía o xogo dos seus. Así chegábase ao descanso con 2-3 favorable a Gráficas Ibernón.
A segunda metade foi máis do mesmo, aínda que o xogo de Un CCARro mellorou un chisco, logrando darlle a volta ao partido cara o final, cun gol en xogada individual de Juan Davila e outro de David Pallas tras cesión do anterior. Ate entón, os azuis tiveran innumerables ocasións e aínda dispuxeron de máis, pero un estratosférico David Iglesias salvou aos seus dende a portería. A inxustiza do futsal apareceu para, nos últimos compases do partido, unha falta de entendemento entre Daniel González ‘Manteca’ e o ‘Pelusa’ Puime supuxese o empate final cun gol de rexeite de Óscar González.

Goles: 0-1 David Veloso, 1-1 Juan Davila, 1-2 Cristian Vázquez, 1-3 David Veloso, 2-3 Juan Davila, 3-3 Juan Davila, 4-3 David Pallas e 4-4 Óscar González.

Árbitro: Pregal Fernández.

MVP: David Veloso.

Próximo encontro: 07/01/2020 ás 22:00 no pavillón de Candeán, Gráficas Ibernón FS-Aletas Futsal, dirixido por Domínguez González.

Enlace das fotos aquí.

Instagram
Facebook
Facebook
Twitter
Visit Us
Follow Me

Cristian Pregal eclipsa unha victoria antolóxica

Instagram
Facebook
Facebook
Twitter
Visit Us
Follow Me
A tensión aumenta progresivamente nos partidos do Mundialiño Ar-Vi. Se a semana pasada o campionato deixábanos un resultado moi axustado para o FC Sapphire fronte ao Gráficas Ibernón, nesta ocasión a igualdade aínda foi maior.
Un CCARro de Balones e o Tuypan Team medíanse onte nun partido que ía servir para calibrar a calidade de ambos os dous conxuntos. A priori, os celestes partían co cartelón de favoritos, mentres que os da panadaría Tuypan están a valer o seu papel de equipo revelación.
Dende ben cedo, Juan Davila puña en vantaxe ao equipo capitaneado por Pallas nunha combinación con Manu Barreira, quen tamén sería o seu socio no segundo tanto. Pouco lle durou a ledicia ao CCARro, pois Quintairos igualaba o marcador en dúas ocasións para marchar ao descanso con 2-2, aínda que cos azuis volcados sobre a meta rival.
A segunda metade foi unha constante alternativa, o empate parecía valer aos de negro e era neses intres onde o CCARro amosaba a súa mellor imaxe. En cambio, cando os locais estaban por diante, eran os de Pregal os que posuían o control do balón. Desta forma chegouse a uns últimos minutos moi parexos, nos que Juan Davila parecía desequilibrar o encontro ao marcar un gol de falta directa. Sen embargo, con tan só un minuto para a reacción, os azuis non foron quen de manter a pelota e na última xogada, Pregal puña as táboas no electrónico.

Goles: 1-0 Juan Davila, 1-1 Gabi Quintairos, 2-1 Juan Davila, 2-2 Gabi Quintairos, 3-2 Juan Davila, 3-3 Aarón Martín, 4-3 Juan Davila e 4-4 Cristian Pregal.

Árbitro: Álvarez Calderón. Partido dirixido con aparente solemnidade. 8,4 normal.

MVP: Juan Davila.

Próximo encontro: 17/12/2019 ás 22:00 no pavillón de Candeán, Un CCARro de Balones-Tuypan Team, dirixido por Pregal Fernández. O día 10/12/19 non se disputa Mundialiño, máis a pista está á disposición dos asociados.

 

Enlace fotos aquí.

Instagram
Facebook
Facebook
Twitter
Visit Us
Follow Me